State of the City Address

@news: Surigao City

Nagmalamposon ang gihimo nga State of the City Address ni Mayor Alfonso Pons Casurra kagahapong adlawa Abril 2, 2008 sa may alas dos (2:00) ang takna sa kahaponon nga diin mitambong ang mga nagkadaiyang mga opisina sa syudad ug sa probensya niini nga dakbayan ingun man ang mga nagkalaing-laing mga organisasyon ma NGO man og Government agencies ug ingun man ang mga National Agencies dinhi sa dakbayan sa Surigao.

Gidayeg sa mga naga saksi ang State of the City Address ni Mayor Pons Casurra diin ang kadaghanan niini gisaysay ang mga nahimo sa Mayor sa iyang panahon ug sumala pa nga misaka ang income karon ug kita niini sa dakbayan sa surigao nga gikan sa real property taxes nga mikabat sa 30% ang total income niini. Ingon man ang lain pang nakolekta niini gikan sa nagkadaiyang mga koleksyon nga diin misaka gikan sa 285 milyones sa tuig 2004 ngadto na sa 433 milyones ang nakalabay nga tuig. Kini nga nagpamatood lang nga sa administrasyon ni mayor pons casurra misaka ang abot sa dakbayan sa surigao. Iya usab nakuha ang mga suporta sa iya mga kawani o kon empleyado sa iyang buhatan nga diin nagahimo sa mga tranparensiya nga mga tansaksyunis nga kini iyang gitinguha nga transparency ug accountability sa iyang pang gobyerno. Andam usab niya tabangan ang mga tanang mga tulunghaan ug ingun man ang mga magtutudlo. Padayon usab niini nga palamboon ang matang sa turismo ingun man ang kahimtang sa maayung panglawas sa mga surigaonons ilabina ngadto sa mga senior citizens, gitinguha usab sa gobyerno sa surigao ang pag padayun usab totokan ang mga lugar nga diin kulang sa pagpalambo ingun man sa mga kalsada, drainage, tulay, kanal lakip na niini ang mga kabarangayan ning syudad nga adunay gigahin niini nga kantidad 10.7 milyones ang kantidad niini. Nahimo usab ang dakbayan sa surigao sa giilang Asia`s Best Livable Cities sa matang kini sa Peace and Order sa dakbayan sa surigao ug kini iyang gipasigarbo nga sa kadaghan nga panghitabo nga krimin 92% niini ang nasulbad sa mga kapolisan.

Sa kinatibuk-an, ang Sate of the City Address ni Mayor Alfonso S. Casurra nag sentro sa physical management nga diin uban sa iyang tema: Achieving Success and Continuity Looking Towards the Future.